أشحن zp بنفسك و بأرخص سعر (طريقه شرعية)

السلام عليكم ورحمة الله وبركاته

النهاردة إن شاء الله هشرحلكم ازاى تجيبوا zp بفلوس لكن بأرخص الاسعار .. يعنى مثلا عندكوا الون كارد بيبيع ال10 الاف ب70 جنيه وكروت Ultimate Game Card بتبيع ال10 الاف ب92 جنيه تقريبا .. الاسعار غالية جدا وده اللى بيعرض كتير من الناس انهم يتنصب عليهم للآسف بسبب انهم بيبحثوا على السعر الارخص .. دلوقتى هشرحلكم ازاى تجيبوا الzp ده بسعر رخيص جدا فى متناول الجميع إن شاء الله وكمان تكسبوا منه .. تابعوا الصور

قبل كل حاجة الاول حضرتك هتروح تسجل فى الموقعين دول :
1-https://www.onecard.net/customer/home.html
2-https://www.rixty.com/home/ref/395977
3- احفظ البيانات معاك لانها مهمة جدا .
دلوقتى بعد ما سجلت فى الموقعين وحفظت البيانات ادخل على موقع z8games.com وتابع معايا الشرح :
1-


2-


3-

4-


5-


6-


7-طبعا مكتوب جنب One Card كلمة No fees يعنى لا رسوم .. يعنى هيحاسبك بسعر الدولار العادى مش هياخد ضرايب عليك
ط ب ليه مش هياخد ضرايب ؟ علشان هنا شركة one card بتلعب دور الوسيط ليس الا وبتعمل كدا For free للشهرة مثلا او ايا كان السبب ميهمناش فى حاجة
طب ومعنى كدا ان كل الشركات مبتاخدش رسوم لو لعبت دور الوسيط ؟ لا طبعا فيه شركات بتاخد فلوس وشركات لا وطبعا كل اللى يهمنا شركة one card



8-


9-


10- تمام كدا بعد ما سجلت دخول واكدت عملية الشراء هتم بنجاح إن شاء الله

طب انا كدا استفدت ايه ؟ اقول لحضرتك .. استفدت انك اشتريت بسعر الدولار العادى يعنى مفيش رسوم .. يعنى مثلا هناخد 10 الاف zp كمثال .. ال10 الاف ب8.99 $ يعنى ب 62.93 جنيه .. مش ب70 زى الون كارد ولا ب92 زى كروت UGC
بس برضه لو هشحن 100 الف هيبقى 620 جنيه كتير اوى ؟ حضرتك ناسى ان ال100 الف سعرها مش 10 اضعاف ال10 الاف ؟! يعنى ال100 الف ب79.99$ بس مش ب89.99$ يعنى اذا شحنت 100 الف هتبقى ب560 جنيه إن شاء الله وهى ده الميزة ان فيه خصم على الكميات وطبعا ده حاجة من شركة z8 ذات نفسها
طب فى اول الموضوع قولت انى هشحن واكسب كمان ؟ اصبر معايا بس وتابع الشرح :

كدا انا قولتلكم تقريبا ارخص طريقة شراء فى z8games كلها نيجى بقى ازاى انت هتستفيد منها .. لحد دلوقتى انت بتعمل عملية شراء عادية خالص .. اقولك انا :

1- ارجع لموقع Rixty تانى وافتح الاكونت بتاعك اللى انت لسه عامله معايا
2- اضغط على Your account options من فوق ثم اضغط Account settings3- هترجملكم الرسالة اللى الناس بتفهمها غلط للآسف .. الموقع بيقولك انه هيديلك 1 دولار على كل واحد يسجل من خلال اللينك بتاعك اللى معمول عليه دايرة فى الصورة + ( انه يعملوا عملية شرااااء )




يعنى لو بعت اللينك لحد وسجل منه مش هاخد 1 دولار ؟ لا مش هتاخد حاجة الا اما يعمل عملية شراء من خلال الموقع .
يووووه طب وانا اضمن منين انه يعمل عملية شراء ؟ تضمن مين ؟! انت مع نفسك ملكش دعوة بحد .. تابع معايا
4- انسخ اللينك ده وافتح اى متصفح تانى او نفس المتصفح مش هتفرق بعد ما تعمل Log out طبعا من الاكونت بتاعك
5- اعمل paste للينك دلوقتى وخش سجل
6- دلوقتى يا معلم انت معاك اكونتين على Rixty .. واحد الاصلى بتاعك اللى عملته معايا من الاول .. والتانى الfake بتاع دلوقتى
7- ركز معايا .. راجع معايا الموقع طلب ايه ( واحد يسجل + يعمل عملية شراء = تاخد 1 دولار ) انت خلاص سجلت مع نفسك
8- اول ما تحب تشترى zp اعمل كل الخطوات السابقة فوووق بس اما تيجى تدخل اكونت Rixty دخل الاكونت الfake
طب ليه ؟ عشان بمجرد ما عملية الشراء تتم هتلاقى 1 دولار فى الاكونت الاصلى
يعنى انا كدا واقف عليا ال10 الاف zp ب56 جنيه بس ؟! اه يا معلم .. طبعا انت بتدفع ال63 عادى خالص من الون كارد بس بمجرد مثلا ما تشحن 10 مرات من اكونتات مختلفة يكون كلها مسجلة من خلال الاكونت الاصلى بتاعك انت بقى معاك 10 دولار تقدر تشترى بيهم كمان مرة For free .
طب انا بقى هبقى ناصح ولما اعوز اشحن 100 الف هشحنهم على 10 مرات من اكونتات مختلفة عشان اخد 10 دولار واخد 110 الف بدل 100 الف .. ايه رايك ؟ لا كدا انت مش ناصح .. هقولك ليه .. لانك لو اشتريت 100 الف على 10 مرات هتدفع كل مرة 63 جنيه يعنى 630 جنيه فى حين ان ال100 الف على بعضهم = 560 جنيه هتقولى طب ما انا هاخد كمان 10 الاف زيادة .. حلو .. يبقى 560 + 63 = 623 جنيه .. يعنى انت كدا هتوفر 7 جنيه + ال1 دولار (ب7جنيه) = 14 جنيه اوفر .. احسبها صح تانى مع نفسك


كدا انا خلصت موضوعى الحمد لله عن كيفية شحن zp بارخص الاسعار + تكسب من خلال شحنك كمان وبكرر اسفى مرة اخرى عن كثرة الروابط لرؤية الصور بس هو ده اللى كان بإمكانى .


والسلام عليكم ورحمة الله وبركاته