كروس فاير تشتغل بشكل احسن

السلام عليكم ورحمة الله وبركاته

النهاردة هشرحلكم ازاى تخلوا كروس فاير تشتغل بشكل احسن .. كل الفكرة انكوا هتقللوا الجرافيك والرزليوشن بتاع اللعبة والاضاءة من الاعدادات .. اسيبكم مع الشرح

1- افتح كروس فاير
2- اذهب للإعدادات
3- حول كل حاجة عندك الى Low وحجم الشاشة 800*600
4- اى حاجة معمول عندها yes خليها no
5- قلل الاضاءة لحد 40 فى المية بدلا من 50 فى المية
6- افتح اللعبة واستمتع بالسرعة

طب الكلام ده هيزود الfps عندى ؟! لا طبعا مش هيزود الfps بس هيخلى الfps اللى عندك مع كارت الشاشة يكون ملائم لامكانيات اللعبة فاللعبة تشتغل اسرع وطبعا اسرع طريقة عشان نعلى الfps هى اننا نشترى كارت شاشة اعلى بس الطريقة ده عشان اللعبة تشتغل اسرع عند الناس اللى مش قادرة تشترى كارت شاشة واللعبة بطيئة عندهم

طب فيه اى حاجة هتتغير فى اللعبة بسبب انى عملت كل حاجة no & Low ?! لا مفيش اى حاجة هتتغير هتلعب عادى خااالص لانك مغيرتش حاجة اصلا .. انت كل اللى عملته انك قللت الجرافيك والاضاءة فهتشوف الجرافيك اقل شوية بس مش هيبقى فيه اى تأثير على اللعبة .

طب وايه علاقة الاضاءة بأن اللعبة تشتغل اسرع ؟! لان كل ما الاضاءة تعلى بتسحب من كارت الشاشة .. كل ده عوامل بتسحب من كارت الشاشة فبالتالى اللعبة تكون بطيئة معاك اما لو قللت الاضاءة ل40 فى المية اه الشاشة هتبقى غامقة بس هتقدر تشوف بسهولة جدا كمان كل الفكرة بس انك هتشوف الحاجة اغمق سنة بسيطة .

طب الطريقة ده مجربة ؟! اه الطريقة مجربة واللعبة اشتغلت سريعة جدا وعلى فكرة ده طريقة بتمشى فى كل الالعاب مش كروس فاير بس يعنى اى لعبة بمجرد ما تقلل الجرافيك والرزليوشن بتاع اللعبة بتخليها ملائمة لكارت الشاشة بتاعك فبالتالى تشتغل كويس .

طب انا ناوى إن شاء الله احدث الجهاز عشان اخلى اللعبة تشتغل احسن .. اعرف الامكانيات المطلوبة منين ؟! بسيطة .. تقدر تخش على الموقع ده http://www.systemrequirementslab.com/cyri وتكتب اسم اللعبة اللى انت عاوز تعرف امكانياتها وتعرف تشتغل على جهازك كويس ولا لا وبعدين تدوس على Can you run it .. هيجبلك الامكانيات المطلوبة للعبة والامكانيات اللى عندك واللى متوفر عندك هيعملك عنده علامة صح واللى مش متوفر هتلاقى عنده علامة حمراء تشوف هو طالب ايه وتحدث جهازك على هذا الاساس .

طب اذا عرفت الامكانيات المطلوبة وحدثت الجهاز .. اللعبة هتشتغل سريعة جدا ؟! اه إن شاء الله بس متنساش حاجة مهمة .. الموقع بيديلك الامكانيات الادنى اللى يا دوبك تشغل اللعبة كويس والامكانيات الاعلى اللى تخليلك اللعبة زيها زى Gta 1 عندك .. فانت لوعاوز اللعبة تشتغل سرييييييييعة جدا شوف الامكانيات الاعلى وحدث جهازك على اساسها إن شاء الله .